Светската куќа на фудбалот ги објави номинираните за овогодинешните награди, меѓу кои и најпрестижната, онаа за играч на годината.
Посебен тим на ФИФА беше вклучен го крпењето на финалниот список на кој се наоѓаат само 10 имиња во секоја категорија.
Гласањето ќе биде јавно на веб-страницата на ФИФА и ќе трае до 9 декември кога вечерта на полноќ ќе се затвори гласањето. Два дена подоцна ФИФА ќе објави тројца од секоја категорија кои собрале најмногу гласови, а победниците ќе бидат прогласени на 17-ти.
Номинираните за играч за 2020 година се:
- Тијаго Алкантара (Шпанија / Баерн / Ливерпул)
- Кристијано Роналдо (Португалија / Јувентус)
- Кевин Де Брујне (Белгија / Мначестер Сити)
- Роберт Левандовски (Полска / Баерн)
- Садио Мане (Сенегал / Ливерпул)
- Килјан Мбапе (Франција / ПСЖ)
- Лионел Меси (Аргентина / Барселона)
- Нејмар (Бразил / ПСЖ)
- Серхио Рамос (Шпанија / Реал Мадрид)
- Мохамед Салах (Египет / Ливерпул)
- Вирхил ван Дајк (Холандија / Ливерпул)
За најдобар голман во игра се:
- Алисон Бекер (Бразил / Ливерпул)
- Тибо Куртоа (Белгија / Реал Мадрид)
- Кејлор Навас (Костарика / ПСЖ)
- Мануел Нојер (Германија / Баерн)
- Јан Облак (Словенија / Атлетико)
- Марк-Андре тер Штеген (Германија / Барселона)
За најдобар тренер се:
- Марсело Биелса (Аргентина / Лидс Јунајтед)
- Ханс-Дитер Флик (Германија / Баерн)
- Јирген Клоп (Германија / Ливерпул)
- Хулен Лопетеги (Шпанија / Севиља)
- Зинедин Зидан (Франција / Реал Мадрид)
За најдобра фудбалерка номинирани се:
- Луси Бронз (Англија / Лион / Манчестер Сити)
- Делфин Каскарино (Франција / Лион)
- Каролине Грахам Хансен (Норвешка / Барселона)
- Перниле Хардер (Данска / Волфсбург / Челси)
- Хенифер Ермосо (Шпанија / Барселона)
- Чи Со-јан (Јужна Кореја / Челси)
- Сем Кер (Австралија / Челси)
- Саки Кумагаи (Јапонија / Лион)
- Џенифер Марожан (Германија / Лион)
- Вивијане Мидема (Холандија / Арсенал)
- Венди Ренар (Франција / Лион)
Награда ќе се додели и за најдобрите во категориите најдобра голманка и најдобар тренер на женска екипа.
