Меѓународната фудбалска асоцијација (ФИФА) им дозволи на странските играчи и тренери да ги суспендираат договорите со руските клубови до јуни 2023 година, пренесува ТАСС повикувајќи се на официјалната веб-страница на организацијата.
Доколку клубовите кои се членки на Рускиот фудбалски сојуз не постигнат меѓусебен договор со странците до 30 јуни 2022 година, тогаш играчите и тренерите ќе имаат право да ги суспендираат договорите за работа до 30 јуни 2023 година.
Да потсетиме дека претходната одлука на ФИФА им дозволуваше на странските играчи и тренери да го објават своето заминување од руските клубови до 7 април 2022 година.