Овогодинешниот летен преоден рок во фудбалот донесе нови рекорди, па така во целиот свет за трансфер на фудбалери биле потрошени 4,71 милијарда долари (3,94 милијарди евра), официјално потврди ФИФА.
Речиси 78 отсто од овој износ, односно 3,67 милијарди долари, потрошиле клубовите од петте најсилни лиги (Англија, Шпанија, Франција, Италија и Германија). Ова е речиси пет пати поголема сума од онаа која ја потрошиле клубовите од овие топ пет лиги во летниот трансфер период за 2012 година (1,24 милијарда долари).
На нови засилувања најмногу потрошиле англиските клубови, односно една милијарда и 400 милиони долари, додека клубовите од Франција забележале најголем пораст во трошењето.
Француските клубови потрошиле 604 милиони долари, што е 205 пати повеќе во однос на минатото лето. На тоа секако најмногу придонесе трансферот на Нејмар од Барселона во ПСЖ вреден 222 милиони евра, што воедно е и рекорден трансфер во историјата на фудбалот.
