Светската фудбалска федерација суспендираше осум бразилски играчи од Премиер лигата до 14 септември. Причината е што клубовите одбија да ги пуштат играчите во националниот тим во септемвриската пауза за репрезентативни настапи.
Станува збор за Алисон, Фабињу, Роберту Фирмину (Ливерпул), Едерсон, Габриел Жезус (Манчестер Сити), Фред (Манчестер Јунајтед), Тиагу Силва (Челси) и Рафиња (Лидс Јунајтед). Одлуката е донесена врз основа на жалбата на Бразилската фудбалска конфедерација до ФИФА.
Играчите викендов нема да можат да играат за своите тимови на натпреварите во Премиер лигата.
Покрај тоа, суспензијата ќе се прошири и на првиот натпревар од Лигата на шампионите оваа сезона. Дефанзивецот на Челси, Силва, ќе го пропушти натпреварот со Зенит во вторник, исто како и играчот од средниот ред на Манчестер Јунајтед, Фред против Јанг Бојс.
Идлуката на ФИФА е за правичност помеѓу клубовите и репрезентациите. Ако играчите не можат да настапат за своите репрезентации, тогаш нема да можат да играат ниту за клубовите.