Светското клупско првенство во 2025 година ќе се одржи во САД од 15 јуни до 13 јули, во проширен формат со 32 клуба.
Вечерва ќе се одржи жрепката со која учесниците ќе бидат поделени во осум групи по четири екипи. Европа ќе има 12 претставници, Јужна Америка шест, Северна и Централна Америка пет, Азија и Африка по четири и Океанија по еден.
ФИФА ова натпреварување го организира континуирано од 2005 година, а од 2025 година ќе се одржува на секои четири години. Новото проширување привлече критики за преоптоварување на календарот.
Исто така, ФИФА планира да воведе трет преоден рок (почеток на јуни - 10 јули) со цел клубовите да го решат проблемот со играчите на кои им истекуваат договорите за време на турнирот, пренесува шпанскиот весник Marca.
Ова се клубовите кои следната година ќе учествуваат на Светското клупско првенство:
УЕФА: Реал Мадрид (Шпанија), Атлетико Мадрид (Шпанија), Манчестер Сити (Англија), Челси (Англија), Баерн Минхен (Германија), Борусија Дортмунд (Германија), Интер Милан (Италија), Јувентус (Италија), Пари Сент -Жермен (Франција), Бенфика (Португалија), Порто (Португалија) и Салцбург (Австрија).
КОНМЕБОЛ: Палмеирас (Бразил), Фламенго (Бразил), Флуминенсе (Бразил), Ботафого (Бразил), Ривер Плата (Аргентина) и Бока Жуниорс (Аргентина).
КОНКАКАФ: Монтереј (Мексико), Клуб Леон (Мексико), Пачука (Мексико) и Сиетл Саундерс (САД).
АФЦ: Ал-Хилал (Саудиска Арабија), Урава Ред Дајмондс (Јапонија), Ал Аин (ОАЕ) и Улсан Хјундаи (Јужна Кореја).
ЦАФ: Ал Ахли (Египет), Видад Казабланка (Мароко), Есперанс де Тунис (Тунис) и Мамелоди Сандаунс (Јужна Африка).
ОФЦ: Окленд Сити (Нов Зеланд).
Претставник на земјата домаќин: Интер Мајами (САД).
