Објавен е вториот трејлер за „Fifty Shades Darker“, кој е повозбудлив и поеротичен од претходниот. Овој пат Кристијан Греј (Џејми Дорнан) целосно го бара вниманието на Анастасија Стил (Дакота Џонсон).
Од позадината на видеото се слуша песната „Crazy in Love“ на Бијонсе, а трејлерот прикажува сексуално напнати сцени меѓу Греј и Стил, како соблекување на долна облека во јавност или допирање на интимни места во лифт преполн со луѓе.
Вториот дел на „Fifty Shades“ е во режија на Џејмс Фоли, според книгата на Е.Л. Џејмс, објавена во 2011 година.
Првиот трејлер беше објавен во септември, а премиерата е закажана за 10 февруари 2017 година. Во останатите улоги, покрај Дорнан и Џонсон, се појавуваат Ким Бесинџер (како поранешна љубовница на Кристијан Греј), Лук Грајмс, Макс Мартини и Хју Денси.
