Судот за жалби на ФИГЦ излезе со објаснување зошто се одлучил за казна со одземање на 10 бодови од контото на Јуве, наведувајќи „лична одговорност“ на Фабио Паратичи, Андреа Ањели, Маурицио Аривабене и Федерико Черубини.
ФИГЦ го судеше Јувентус за манипулација со вредноста на цените на играчите на трансфер пазарот. Првичната казна со одземање на 15 бодови изречена во јануари неодамна беше намалена на 10 бодови, а Италијанската фудбалска федерација (ФИГЦ) сега излезе со објаснување на причините за ваквата казна.
Оваа одлука потоа беше поништена од Судот при Италијанскиот национален олимписки комитет (КОНИ), кој побара ново проценување на ситуацијата, нов преглед на доказите и потоа донесување нова и конечна пресудда, што и се случи.
Поранешниот финансиски директор ан Јувентус, Фабио Паратичи, доби казна од 30 месеци забрана за бавење со фудбал и неговите криминални активности го чинеа Јуве одземање на 4 бода.
Поранешниот претседател Андреа Ањели доби 24 месеци казна, што соодветствува со казна од одземање на 3 бода. Поранешниот извршен директор Маурицио Аривабене ја доби истата казна, но неговите дејствија му одземаа на Јуве 2 бода, додека поранешниот директор Федерико Черубини доби најмала казна од 16 месеци, што резултираше со одземање на 1 бод.
ФИГЦ додаде дека новата пресуда е донесена „во правична перспектива, исполнувајќи тешки, пропорционални и разумни критериуми“.
Јувентус нема да ја обжали оваа пресуда, во неделата вечерта потврди директорот Франческо Калво.
Но, тука не застанува процесот против Јувентус, затоа што го чека ново судење за друг случај, односно за случајот со манипулација со платите на играчите и односите со агенти и други клубови. Оваа пресува треба да биде донесе во текот на денешниот ден. Првично судењето беше закажано за 15 јуни, но откако Јуве во неделата призна вина, дојде можност за порана завршница.
