Според Фенг Шуи, предметите и нивното уредување имаат големо влијание врз позитивните или негативните работи во животот.
Одредени предмети се многу добри за нашата психа и привлекуваат само позитивна енергија, додека други имаат спротивен ефект.
Според експертите за Фенг Шуи, чувањето фигурини на слонови во куќата привлекува позитивни работи во вашиот живот. Слон со подигната сурла претставува успех. Чувањето фигурини во спалната соба привлекува љубов. А, во близина на влезната врата привлекува среќа за сите домашни. Исто така, постојат верувања дека привлекува и пари.
Во многу култури слонот симболизира сила, моќ, мудрост, енергија и разум. Се верува дека слонот носи среќа, затоа е пожелно да имате фигурина на слон до влезната врата за да може среќата да влезе во вашата куќа. Исто така, постои верување дека фигурина на слон може да помогне во вашата куќа да дојде принова, а тоа ќе се случи ако ја ставите фигурината на слонот до креветот во спалната соба.
Одамна постои верувањето меѓу нашите луѓе дека кога бубамара ќе слета на нашата дланка, ќе имаме среќа тој ден.
Сепак, постојат и други знаци од природата, кои навистина можат да укажат на тоа. Постојат интересни стари верувања што сериозно ги создаваат и во кои слепо се верува во сите делови на светот.
Станува збор за некои секојдневни феномени кои, доколку ги забележите, можат да укажат на среќа која ве очекува многу скоро.
Штурец - Ако близу вас сосема случајно се појавиштурец, обрнете големо внимание бидејќи во блиска иднина ве очекува многу пријатен и среќен настан.
Бубамара - Симболизира среќа и благосостојба насекаде во светот. Ова не е без причина. Постои верување дека ако една мала бубамара слета на болна личност, тоа е знак дека ќе закрепне многу брзо.
Вилинско коњче - Тоа секогаш најавува промена во вашиот живот и е симбол на мудрост, храброст, чистота, хармонија и сила. Исто така, во многу култури овој инсект претставува преродба, некаде регенерација и бесмртност. Ако случајно видите вилински коњче некаде во природата, обрнете внимание, бидејќи тоа ви носи среќа.
Желад - Се смета дека желадот штити од удари на гром, бидејќи е плод на дабот, а дабот е дрво посветено на Тор, нордискиот бог на молњата и громот.
Свиња - Нема да верувате, но ова животно во некои култури симболизира среќа, па дури и богатство, пријателство, трпение и искреност.
Желка - Според верувањата во древната кинеска митологија, желката е свето животно, односно едно од четирите свети животни (покрај змејот, еднорогот и фениксот). Симболизира среќа, долговечност, мудрост и издржливост. Старите Кинези цврсто верувале дека желката ги чува големите тајни на небото и земјата.
Жаба - Има специфична моќ да донесе плодност, мир и богатство во домот.
Зајачка шепа - Од античко време низ целиот свет се верува дека носи среќа за секој што ја носи, но и за да помогне при зачнувањето.
Крокодилски заб - се верува дека носи среќа, но најмногу за оние луѓе кои сакаат да се коцкаат.
Има нешто во тие бабински приказни, народни верувања и приказни. Споделивме само некои од нив. Ваше е да одлучите дали ќе им верувате. Но, имајте на ум само едно - не без причина некои од овие верувања се прифатени низ целиот свет и се негуваат толку долго.
