Спектакуларниот трансфер и астрономската плата за Кристијано Роналдо во Јувентус предизвикаа незадоволство кај работниците во фабриката на Fiat во Мелфи, јужна Италија.
Fiat како клупски спонзор вети дека ќе ја субвенционира годишната плата од 30 милиои евра за Роналдо кој го напушти Реал Мадрис и потпиша договор со италијанскиот прволигаш.
На тоа се побунија претставници на синдикатот и најавија штрајк во познатата фабрика на италијанскиот автопроизводител.
Меѓутоа, најавената побуна доживеа вистинско фијаско – само петмина работници во погонот во Мелфи не сакаа да ги исполнат своите работни обврски и предвидени норми на денот на штрајкот.
„Станува збор за 0,3% од вработените. Тоа значи дека штрајкот го организирале луѓе на кои им се важни само личните интереси“, рече портпаролот на Fiat.