Филм & ТВ

Фикцијата и реалноста за Чернобил: Како лагите водат до катастрофа?

17. јуни 2019 - 13:03 | А.С.

ТВ-серијата „Chernobyl“ на HBO за нуклеарната катастрофа што се случи на 26 април 1986 година во Украина, поранешна СССР, го разбранува светот.

Оживувајќи ги лошите спомени, популарната серија исто така отвори многу прашања во врска со тоа како се случи експлозијата на четвртиот реактов во нуклеарната централа и како одговорните лица се справија со последиците од катастрофата што се закануваа на голем дел од Европа.

Серијата во голема мера укажува на тоа дека без пожртвуваноста на стотици луѓе вклучени во справувањето со последиците од катастрофата, во деновите и неделите после експлозијата можело да се случи тотално растопување на елементите од нуклерното гориво на реакторот, што би довело до уште една нуклеарна експлозија. Но, она што уште поболно го претставува ова исклучително телевизиско остварување е дека низата лаги (не)намерно кажани во екот на инцидентот во голема мера придонесе за бавно реагирање и несоочување со сериозноста на ситуацијата.

Критичарите и публиката сметаат дека иако можеби на моменти екранизацијата на настанот е „пресилна“, тоа е во насока на пренесување на пораката, без обид да се измени историјата, туку само да се дадат одговори и да се соочи светот со фактот дека лагите водат до катастрофа и дека преземањето одговорност е првиот чекор кон спречување поголема штета.

Во насока на точноста на фактите прикажани во серијата, погледнете ја оваа споредба меѓу сцени од серијата и вистински снимки од 1986 година:

Коментирај