Ноќеска на НБА терените се одиграа само три натпревари, а во најинтересниот дуел Филаделфија 76ерс го совлада Кливленд Кавалирс со 132:129.

Пол Џорџ постигна 30 поени, а Тајрис Макси 29 за 76ерс, со што тимот од Филаделфија ја прекина серијата од 7 порази.
Од друга страна, Кливленд го загуби вториот последователен натпревар и сега е изедначен со Оклахома Сити Тандер за најдобар тим во лигата со скор 36-8.
Донован Мичел постигна 37 поени, а Тај Џером додаде 33 за Кливленд, погодувајќи ги сите 8 негови обиди за 3 поени.
Џерен Џексон Џуниор 15 од 29-те поени ги постигна во третата четвртина, Дезмонд Бејн додаде 20 поени и 14 асистенции, а Мемфис Гризлис го победија Њу Орлеанс Пеликанс со 139:126.
Расположен беше и Лук Кенард со 27 поени, а Дежонтеј Мареј со 26 поени ги предводеше Пеликанс. Треј Марфи III и Си Џеј МекКолум постигнаа по 22, а Џордан Хокинс додаде 20 поени.
Портланд Трејл Блејзерс го победи Шарлот Хорнетс со 102:97 за четврта последователна победа.
Енферни Симонс постигна 27 поени, Џерами Грант додаде 22, а добар беше и Дени Авдија со 18 поени.
Ник Смит Џуниор постигна 17 поени, а Џош Окоги додаде 16 со 10 скокови за Хорнетс.
Шарлот Хорнетс - Портланд Трејл Блејзерс 97:102
Филаделфија 76ерс - Кливленд Кавалирс 132:129
Мемфис Гризлис - Њу Орлеанс Пеликанс 139:126