Филипче го посети пациентот со трансплантирано срце

Скопје, 23 мај 2020 (МИА) – Министерот за здравство Венко Филипче претпладнево го посети пациентот на кој синоќа му беше трансплантирано срце.

Синоќа, првпат во нашата земја е изведена трансплантација на срце, односно трансплантација од починат донор.

На Клиниката за државна кардиохирургија во Скопје, по шестчасовна операција, во 2 часот по полноќ беше трансплантирано новото срце во телото на 54-годишниот пациент. Два бубрега од истиот донор во моментов се трансплантираат на Клиниката за урологија кај двајца пациенти со хронична бубрежна слабост кои со години беа на дијализа, соопшти Министерството за здравство.

Првата трансплантација на срце во координација со министерот за здравство Венко Филипче ја започна и ја водеше националниот координатор за трансплантација д-р Маја Мојсова Мијовска. Таа со својот тим болнички координтори д-р Билјана Андоновска, д-р Весна Дурнев и Адријана Георгиев од Министерството за здравство ја процесираа пациентката во мозочна смрт и ги направија сите лекарски, технички и административни подготовки за да се започне со трансплантацијата на срце и бубрези.

– Трансплантацијата е успешна. Ова е голем ден за нас. Посебен по многу нешта. Би сакале најпрво да се заблагодариме на семејството на донорот. Да се донесе одлука да се даруваат органи во моментот кога го губите саканиот, е тешко. Незамисливо тешко. Потребно е многу сила, многу љубов и многу хуманост да мислите на нечиј туѓ живот во моменти кога знаете дека сте го изгубиле најблискиот. И за ова сме им бескрајно благодарни. Тие се се хероите на оваа приказна. Би сакал да им се заблагодарам на лекарите од јавното и приватно здравство, медицинските сестри, координаторите и сите оние кои тимски ја направија трансплантацијата. Ова е огромен успех за македонското здравство, порача министерот Филипче.

На експлантацијата работеа д-р Марјан Шокаровски и д-р Александар Колевски од Клиниката за државна кардиохирургија, д-р Александар Николиќ од Аџибадем Систина, а од КАРИЛ анестезијата ја водеа др Маја Мојсова Мијовска, д-р Весна Дурнев и д-р Билјана Андоновска.

Трансплантацијата на срцето ја работеа проф. д-р Сашко Јовев и академик Жан Митрев заедно со д-р Васил Папестиев, д-р Марјан Шокаровски, д-р Ванѓел Здравески, д-р Кјутим Џелили, д-р Тања Анѓушева, д-р Никола Христов,  д-р  Стефанија Хаџиевска, д-р Надица Мехмедовиќ, д-р Весна Миташова, д-р Јасмина Илиевска, д-р Марија Гераковска и д-р Димче Славевски од Аџибадем Систина.

Во моментов на Клиниката за урологија на трансплантациите на бубрезите работат лекарски тимови под раководтсво на д-р Сашо Дохчев, д-р Александар Трифуновски, д-р Ставридис и д-р Јанчулев со тим лекари од клиниката.

Во оваа постапка беа вклучени и лекарите од Институтот за трансфузиологија кои ја направија комплетната обработка за совпаѓање на донорот и на реципиентите на органи, лекарите од Институтот за радилогија кои ги направија потребните снимања, како и лекарите од Клиниката за нефрологија кои ги водеа и подготвија за трансплантација пациентите на дијализа.

Пациентите кои ги добија органите беа избрани од Националните листи за чекање за срце и бубрези според медицински утврдени криетриуми за совпаѓање кои ги изготви и со кои раководи Министерството за здравство.

реклама

Ја избричи брадата по 10 години и ја шокираше сопругата

Read more

Хороскопски знаци во кои се родени мажите со најтежок карактер

Read more

Филипче: Дел од граѓаните не се придржуваат до мерките, па и не веруваат дека вирусот постои

Read more

Светот има ново жариште – земја каде за многу луѓе физичката дистанца е невозможна

Read more

Македонија

Се подготвува протокол за отворање на аеродромите и граничните премини

Read more

Проценка за нова вонредна состојба, очекувања за дијалог и исход за датум на избори

Read more
dozdd.jpg

Променливо облачно со локални врнежи од дожд и ветер

Read more

Во средината на јуни би требало безбедно да ги пуштиме децата во градинките

Read more

Вести

Бројот на деца кои живеат во сиромаштија ќе се зголеми на 672 милиони

Читај повеќе

Трамп сака да ги повлече сите војници од Авганистан

Читај повеќе

Се подготвува протокол за отворање на аеродромите и граничните премини

Читај повеќе

Проценка за нова вонредна состојба, очекувања за дијалог и исход за датум на избори

Читај повеќе
dozdd.jpg

Променливо облачно со локални врнежи од дожд и ветер

Читај повеќе

Во средината на јуни би требало безбедно да ги пуштиме децата во градинките

Читај повеќе

Спасовски: Неопходни се брзи избори за обезбедување стабилни институции

Читај повеќе

Најмногу овошје се консумира на Медитеранот, најмалку во Централна Европа

Читај повеќе
  • play_arrow

Од утре нема полициски час, од четврток отворање на угостителските објекти

Читај повеќе