Министерот за здравство Венко Филипче денеска изјави дека наредната недела ќе пристигнат 10 илјади дози од вакцината на Pfizer.
На 19 април ќе пристигнат 10 илјади вакцини на Pfizer, на 26 април ќе пристигнат уште 10 илјади, а на 28 април се очекува да пристигнат и кинеските вакцини, изјави министерот. Се очекува да пристигнат вкупно 200.000 кинески вакцини.
Министерот изјави дека вкупниот број на новодијагностицирани бележи благ пад, а исто така се намалува и бројот на хоспитализирани.
Според него, дневно се вакцинираат по 1.500 граѓани, а откако ќе стигнат дополнителни вакцини, бројот на дневно ниво ќе се зголеми.
„Нас во овој момент не ни треба нарачка не ни требаат дополнителни вакцини. Засега имаме нарачано 2,6 милиони вакцини“, изјави Филипче.
