Министерот за здравство, Венко Филипче, на денешната прес-конференција најави нови мерки кои ќе бидат предложени до Владата со цел справување со пандемијата на коронавирусот.
Како што кажа министерот, според направената анализа, донесени се следните предлог-мерки на Комисијата за заразни болести што ќе ги достави до Владата на усвојување, со цел да се спречи ширењето на заразата од коронавирусот:
- Забрана за поголеми семејни прослави во домашни услови, и групирање на јавни простори по 22 часот, како и задолжително носење маска на отворено и во затворени јавни простории.
-Се забранува групирање во домовите на семејни прослави, слави. Во едно жиивеалиште дозолено е да се примаат дополнителни четири лица, рече министерот.
Тој додаде дека анализите покажале дека сериозен процент од новозаразените се токму од ваков тип настани и затоа, како што истакна, сакаат тоа да го превенираат, а со оваа нова мерка ќе се избегне и забавите од кафулиња и барови да се префрлат во домашни услови.
Со новите мерки се предлага и забрана за групирање на јавен простор по 22 часот на повеќе од четири лица. Забрана за собирања на поголема група по паркови, бензиски пумпи и било каде на отворено.
-Се воведува задолжително носење маски или заштитна опрема на носот и устата секаде при престој на отворено, на затворено во кој било јавен објект, на работно место, јавен и приватен транспорт. Исклучок се прави при спортување на отворено и затворено, при транспорт во приватно возила на членови на едно семејство, при седење во угостителските објекти со почитување на соодветни простории, при престој во службени простории ако е лицето само во просторијата, рече Филипче.
Исклучок од мерките за носење маска ќе имаат децата до шест години.
