Министерот за здравство на својот Facebook профил објави дека сме втора земја во регионот според бројот на направени тестови за коронавирусот на 1 милион жители.
„Анализите покажуваат дека сме втора земја во регионот според бројот на спроведени тестови за коронавирус на 1 милион жители. Имаме доволно тестови за да ги задоволиме потребите на нашата земја. Ова е одличен резултат, не само за бројката на тестови, туку и за целокупниот пристап кон идентификување на пациентите, нивните резултати и кластерите на заболени“, напиша министерот.
Тоа значи дека од земјите во регионот Македонија е зад Хрватска по бројот ан направени тестови по глава на жител.
„Во моментов располагаме со 4.500 тестови, а резервите секојдневно се надополнуваат. Ја очекуваме донацијата и од 20.000 китови за тестирање - кои се доволни за потребите според вкупниот број на население во земјава“, заврши Филипче.
Не е познато зошто со графиконот не е опфатена и Словенија за сликата од регионот да биде комплетна.