Сагата Saint Seiya добива филмски третман на големиот екран со претстојниот игран филм Knights of the Zodiac кој ќе се прикажува само во кината на 12 мај 2023 година.
Базиран на интернационалната аниме сензација и оригинални приказни и ликови од мангата Saint Seiya на Масами Курумад, ѕвездите на Knights of the Zodiac ги играат Мекенју, Фамке Јансен, Медисон Ајсеман, Диего Тиноко, Марк Дакаскос, Ник Стал и Шон Бин.
Сеја (Макенју), тврдоглав уличен тинејџер, времето го поминува борејќи се за пари додека ја бара својата киднапирана сестра. Кога во една од неговите борби несвесно ќе допре до мистични моќи за кои никогаш не знаел дека ги има, Сеја се наоѓа себеси втурнат во светот на завојувани светци, древни волшебнички учења и реинкарнирана божица на која ѝ треба неговата заштита. Ако сака да преживее, ќе треба да ја прифати својата судбина и да жртвува сè за да го заземе заслуженото место меѓу Витезите на Зодијакот.
Медисон Ајсеман ја игра Сиена, „девојка која се бори со одговорноста да ја искористи моќта на божицата Атена“; Шон Бин го игра Алман Кидо, „регрутер и ментор кој го става Сеја на крајниот тест да стане Витез на Зодијакот; а Фамке Јансен ја толкува Гураад, „лидер на тајна организација која има за цел да ја преземе моќта на божицата Атена“.
Филмот е во режија на Томек Багински по сценарио на Џош Кембел и Мет Стукен и Кил Мареј. Багински беше извршен продуцент на The Witcher, The Witcher: Blood Origin и The Witcher: Nightmare of the Wolf на Netflix.
Погледнете го финалниот трејлер за филмот пред премиерата:
