Финалето на Лигата на шампионите во 2027 ќе се игра на Метрополитано

Финалето на Лигата на шампионите на УЕФА за сезоната 2026/2027 ќе се игра на стадионот „Метрополитано“ во Мадрид, дом на Атлетико. Оваа информација ја откри претседателот на Кралската шпанска фудбалска федерација (РФЕФ), Рафаел Лоусан, при обиколката на градилиштето на стадионот „Ла Картуха“ во Севиља.

„Оваа година Шпанија го има финалето на Лига Европа на 'Сан Мамес' во Билбао, а ние исто така го имаме загарантирано финалето на Лигата на шампионите на УЕФА во 2027 година на стадионот 'Метрополитано' во Мадрид. ќе бараме да угостиме и едно европско финале во Севиља, имаме сјајна инфраструктура овде за одлично да го организираме настанот“, истакна Лоусан, пренесува Marca.

Стадионот „Метрополитано“ веќе беше домаќин на финалето на Лигата на шампионите во 2019 година кога Ливерпул го совлада Тотенхем. Лоусан откри и дека стадионот на Атлетико нема да биде домаќин на натпревари од Мундијалот во 2030 година, бидејќи е одлучено домаќин да биде „Местаља“ во Валенсија.

„Метрополитано“ од 2016 до 2022 година беше познат како „Ванда Метрополитано“ поради спонзорствои, а од октомври лани се вика „Ријад Ер Метрополитано“. Но, при натпреварите на УЕФА не е дозволена употреба на имиња на спознори.