Големо засилување за тимот од Фиренца кој иако ветеран сѐ уште знае како со топката.
Французинот ќе потпише двегодишен договор со Фиорентина каде деновиве би требало да ги направи медицинските прегледи. Деталите се веќе договорени, останува уште официјална потврда од виолетовите, пишува непогрешливата La Gazzetta dello Sport.
Тимот од Фиренца повеќе од месец дена преговараше со Рибери откако тој стана слободен играч заминувајќи си од Баерн после долги 12 години. Проблем беше неговата плата која Фиорентина не може да си ја дозволи, но конечно се чини нашле заеднички јазик, односно Франк се согласил на значително намалување.
Рибери беше блиску до ПСВ каде беше викан од неговиот другар Марк ван Бомел, а понуда имаше и од московски Локомотив.
Иако 36-годишен, крилниот офанзивец се очекува да биде големо засилување на тимот на Винченцо Монтела.