Напаѓачот Патрик Кутроне се врати назад во Италија откако потпиша за тимот од Фиренца.
Од таборот на Фиорентија потврдија дека поранешниот играч на Милан сега ќе ги брани виолетовите бои. Тој доаѓа на двегодишна позајмица од Вулверхемптон Вондерерс, но со облигациска обврска „Виолетовите“ да го откупат по завршувањето на позајмицата.
Кутроне е роден во Комо во 1998 година и израсна во младинскиот погон на Милан од каде и влезе во светот на Калчолигата. Играјќи за „Росонерите“, од неговото деби во 2017 постигна 27 голови во Серија А, Копа Италија и Лига Европа пред да премине во Англија. Има 1 настап за репрезентацијата на Италија и еден куп за младинските репрезентации.
Летоска Кутроне потпиша 4-годишен договор со премиерлигашот Вулверхемптон, но на 24 натпревари во Премиер лигата, Лига купот и Лига Европа постигна само 3 гола и тоа е причината поради која Англичаните се откажаа од неговите услуги.
Фиорентина утре го пречекува СПАЛ на „Артемио Франки“ и можно е Кутроне да дебитира.