Меѓународната скијачка федерација (ФИС) одлучи денеска да ги откаже или премести натпреварувањата од Светскиот куп што до крајот на актуелната сезона беа закажани на територијата на Русија.
Одлуката се однесува на вкупно пет натпреварувања во ски крос, слободно скијање, скијачки скокови во женска конкуренција и во скијачко трчање, кои треба да се одржат во периодот меѓу 26 февруари и 27 март.
„Во интерес на безбедноста на сите учесници, и со цел да се зачува интегритетот на Светскиот куп во скијање, сите преостанати настани од Светскиот куп закажани да се одржат во Русија до крајот на сезоната 2021/22 се откажани или преместени на друга локација“, соопшти ФИС.
