Фит

Фит и во форма: Дали имате кондиција колку вашите врсници?

4. јули 2019 - 14:02 | А.С.

Со редовно вежбање, здрава исхрана, откажување од лошите навики и водење грижа за нашето ментално здравје и благосостојба ќе живееме порелаксиран живот и ќе бидеме покорисни за себе и за околината.

Здравиот начин на живот и физичката активност не треба да бидат кампањски зафати пред годишните одмори, бидејќи тоа не носи никакви трајни резултати и само дополнително го изморува и старее телото.

Треба да најдете начин на исхрана и режим на вежбање што ви одговара на вашето темпо на живеење и да почнете да водите подобра грижа за себе и вашето семејство.

Личниот тренер Фаја Нилсон објаснува кое е нивото на физичка подготвеност што треба да можеме да го оствариме на одредена возраст, што би било одраз на нашата форма и кондиција.

Во 20-тите

Ова е најдобро време за „вложување“ во вашите коски. Во овие години телото е силно и отпорно. Дваесеттите се најдобро време за билдање кондиција. На оваа возраст битребало без проблем да може да истрчате 10 километри за еден час и да си ги дофатите ножните прсти со дланките во еден потег. Исто така би требало да може да одиграте една партија баскет, фудбал, тенис и слично со вашите пријатели, без да бидете целосно исцрпени и неспособни во наредните неколку дена.

На овие години треба да работите на забрзување на метаболизмот, подобрување на држењето на телото и зголемување на мускулната маса.

Во 30-тите

Во оваа деценија телото почнува да губи мускулна маса. Луѓето во нивните 30-ти обично поминуваат многу време во канцеларија и во седење, што дополнително води кон губење на тонусот на мускулите и лошо држење на телото.

За да се борите против овие последици на стареењето треба да пешачите секој ден. Идеално би било да го почнувате денот со кревање тегови, а во неделната рутина вметнете пилатес или јога за да ги зацврстите мускулите во торзото.

Во 30-тите би требало да можете да одработите еден HIIT тренинг од четири минути, да издржите страничен пленк од една минута и да направите основни јога пози.

Во 40-тите

Жените во четвртата деценија имаат поголем ризик од компликации предизвикани од кршливи коски, во споредба со мажите. Нивото на хормонот естроген кој ги штити коските, нагло почнува да се намалува кога жената ќе влезе во менопауза, поради што поголеми се шансите за појава на остеопороза. За среќа, жените кои редовно вежбаат може да го спречат ова.

Во 40-тите би требало да можете да направите 10 склека во минута, 20 длабоки исчекорувања во минута и да пливате половина час без да се уморите.

Коментирај