Доколку сте решиле активно да се занимавате со физичка активност, треба да знаете дека тоа обично подразбира и темелна промена на начинот на живот и откажување од лошите навики.
Ова се неколку корисни совети кои ќе ви помогнат доколку сте почетник во теретана.
Направете го првиот чекор
Можеби порано не сте се занимавале со спорт па ви се потребни фитнес совети за почетници, но и мотивација. Во тој случај многу е важно да поставите цел. Најдобро е да тренирате во група или со фитнес тренер кој ќе ви направи детален план за вежбање и исхрана.
Не се форсирајте на почетокот
Започнете со полесни вежби за да не добиете воспаление на мускулите. Резултатите се забележуваат дури по неколку недели, но упорноста се исплати.
Комбинирајте ги вежбите
Не прескокнувајте го загревањето на телото пред да започнете со тренинг. Исто така, пред тренингот за раце и грб може да вметнете и лесни кардио вежби.
Разговарајте со вашиот лекар
Доколку подолго време сте биле пасивни поради некој здравствен проблем, разговарајте со вашиот лекар за тоа кој вид на тренинг е добар за вас. На почетокот вежбајте 10 до 15 минути дневно, следете ги советите на лекарот и фитнес тренерот.
Внимавајте на исхраната и пијте вода
Исхраната е клучна доколку сакате да постигнете резултати. Се препорачува вашиот фитнес тренер да ви направи детален план на исхрана за да знаете што треба да јадете повеќе, а која храна треба да ја избегнувате. Исто така, два часа пред тренинг испијте 2-3 чаши вода, а по завршувањето на тренингот пијте вода на 10-20 минути.
Може да го погледнете и видеото на д-р Ентони Балдузи со 5 корисни совети за почетници.
