Британскиот боксер Тајсон Фјури ја прекина низата на победи на Американецот Дионтеј Вајлдер и повторно стана светски шампион во WBC верзија. Победата ја прослави во негов личен стил, на забава во Лас Вегас.
Тој организираше голема забава за многубројните навивачи и уште еднаш направи шоу пред нив.
Пред навивачите се појави обвиткан со знамето на Велика Британија и ја пееше познатата песна на англиските навивачи, но во малку преформулирана форма.
„There were three Bronze Bombers in the air… and then the Gypsy King from England came and shot one down“, пееше Фјури.
Инаку, песната е за германските бомбардери кои ги урива британското воено воздухопловство, но овој пат стиховите беа за срушениот Вајлдер.
Ова беше уште едно од низата понижувања за Вајлдер бидејќи и борбата беше прекината во седмата рунда откако неговиот тренер фрли крпа во рингот, што во превод значи предавање на мечот.