Тајсон Фјури во објава на социјалните мрежи вели дека сака да стане најбогат боксер во историјата.
Актуелниот светски шампион во тешка категорија има уште две борби според неговиот договор, а до неговото завршување би требало уште еднаш да се бори со Дионтеј Вајлдер и Ентони Џошуа.
„Мојот договор наскоро завршува и сакам да го обновам. Не сакам да престанам да боксувам по овие две борби, имам само 31 година. Сакам голем, голем договор. Сакам да ги урнам сите рекорди и знам дека тоа можам да го остварам. Знам дека може да станам најплатен боксер во историјата, поголем и од Флојд Мејведер, Канело Алварез, Мајк Тајсон и кој било. Кога ќе ги средам овие двајца, Вајлдер и Џошуа, сакам да видам голем договор од ESPN“.
Според сегашните процени, Фјури моментално тежи околу 50 милиони долари. Само за споредба, богатството на Флојд Мејведер се проценува на околу 650 милиони, иако во кариерата има заработено повеќе од милијарда долари.
