Тајсон Фјури збесна на својот Instagram профил откако сфати дека не може да најде противник за следната борба.
Шампионот на WBC во тешка категорија, Тајсон Фјури, веќе некое време не може да ја закаже својата следна борба во боксерскиот ринг, што предизвика гнев кај Британецот.
Предизвика активност на неговиот Instagram профил каде објави неколку видеа во кои ги спомна Олександр Усик, Ентони Џошуа, Енди Руиз и Џилеј Џанг.
„Ќе ги нокаутирам сите овие момци и подготвен сум да се борам. Не сум се борел од декември, но тоа не е моја вина. Сакав да се борам со џуџето Усик, но тој не сакаше да се бори“, започна бесниот Фјури, а потоа продолжи да „решета“.
„Се обидов да договорам меч против Ентони Џошуа, но и тој не сака да се бори. Се обидувам да се борам со сите, Енди Руиз побара 20 милиони долари. Лудо копиле, не знам кој ќе му даде толку. Кој е достапен? Можеби Џилеј Џанг? Подготвен сум да се борам со секого, во секое време, секаде. Едвај чекам да се борам со Усик, Еј Џеј, кој и да е. Ќе ве растурам, јас сум најјакиот тип во светот“, им порача на своите колеги боксери.
Меѓу другите, тој го спомна и подкастерот Џо Роган, кој во една од своите емисии спомна дека Британецот нема да може да му парира на Џон Џонс во ултимејт фајт октагон. Не требаше многу време за провокативен одговор до шампионот на УФЦ во тешка категорија.
„Еј, Тајсон. Изгледа Џо те чепна кадешто те боли. Ќе признаам дека си недопирлив во рингот, но да не го мешаме тоа со тоа што би се случило кога би стапнал во мојот кафез. Ако сакаш да решиш некои од твоите прашања, јави се кај Дејна. Ќе ти помогнам“, изјави Џонс, кој се обидува да го доведе Фјури во организацијата на УФЦ, алудирајќи на првиот човек на организацијата – Дејна Вајт.
