Тајсон Фјури и Ентони Џошуа треба да боксуваат во јуни или јули во една од најочекуваните борби во тешка категорија во историјата.
Еди Херн рече дека борбата е практично веќе договорена, Ентони Џошуа рече дека едвај чека, но Тајсон Фјури го негираше сето тоа, барем засега.
„Искрено, престанав и да тренирам. Во моментов сум на осум до 12 пива на ден. Не јадам и ги внесувам сите калории што ги добивам преку алкохол. Одмарам, сакам малку да уживам и не размислувам за таа борба“, рече Фјури и продолжи:
„Работата е многу едноставна. Еди Херн е промотор, Боб Арум е промотор. Нивната работа е да продаваат борби. Јас дури и не знам за што зборува Џошуа затоа што не сум на социјалните мрежи, ама што е до мене, не е договорена никаква борба. Додека не го знам точниот датум и додека не видам куп пари во џебот, не боксувам. Не сме ниту близу до договор“.
Џошуа и Фјури треба да споделат околу 200 милиони фунти во сооднос 60/40 за победникот во мечот. Се очекува да биде договорена и реванш борба што би се одржала некаде пред Божик.
