Со синоќешната победа Ханси Флик направи скор од 22 победи во своите први 25 натпревари на клупата на Баерн, нешто што не му услеа ниту на големиот Пеп.
Баерн вчера ја преслуша Фортуна со петарда, а фудбалерите на својот тренер Ханс-Дитер Флик му ја подарија победата број 22 во 25-те натпревари откако седна на клупата, во сите натпреварувања.
Со оваа победа популарниот Ханси го надмина и Пеп Гуардиола чија ера во Минхен почна со 21 победа во првите 25 натпревари.
Натпреварот почна лошо за гостите од Дизелдорф кои уште во 15. минута преку Данецот Матијас Јерјенсен си постигнаа автогол. Во 29-тата Бенжамен Павар и потоа Роберт Левандовски на две минути пред паузата направија 3:0. Пет минути во вториот дел полската гол-машина го постигна четвртиот гол, а само две минути подоцна Канаѓанецот Алфонсо Дејвис ги постави конечните 5:0.
Својата авантура во Баерн Флик ја почна во ноември кога го замени Нико Ковач прво како привремено решение, но откако ги освои симпатиите на навивачите и управата, доби договор.
