Поранешниот боксерски ас Флојд Мејведер најави дека до крајот на годината ќе излезе од пензија за да биде дел од реванш мечот против вечниот ривал Мани Пакјао.
Откако последен пат во рингот влезе за борбата против Конор Мекгрегор, поранешниот боксер Флојд Мејведер реши да закаже уште една финална борба против Мани Пакјао, од која ќе заработи повеќе од 100 милиони долари.
Двајцата боксери боксуваа во рингот во 2015 година, а од борбата како победник излезе Флојд Мејведер, кој мечот го доби на поени, без нокаут. Премијата за победникот на борбата беше 100 милиони долари, но Флојд Мејведер пријави дека дома си заминал со барем двојно повеќе пари.
Три години подоцна двете боксерски суперѕвезди повторно ќе се сретнат во рингот, каде Мејведер ќе се обиде да остане совршен и да го зголеми рекордот во неговата кариера на 51 победа. Во досегашните 50 борби тој победуваше во секоја од нив, а 27 од нив завршија со нокаут за противникот.
„Ќе ти го земам шампионскиот појас, ќе ги земам парите и не сакам да слушнам оправданија поради повреди“, му порача Мејведер на Пакјао.
Филипинецот Пакјао има учествувано во повеќе борби и сѐ уште е активен боксер, иако ја извршува и функцијата сенатор на неговата земја. Тој собра 60 победи во кариерата, но има и два порази.