Флуминенсе го потврди трансферот на Холанд, тој не знае што се случува

Еден од најдобрите напаѓачи на денешницата, Ерлинг Браут Холанд, на официјалната страница на бразилскиот гигант Флуминенсе беше претставен како најново засилување, по што самиот Норвежанец веднаш стапил во контакт со овој клуб.

Секако, веста за трансферот на Холанд во Флуминенсе не е точна, иако оваа неверојатна објава се појави синоќа на официјалната веб-страница на гигантот од Рио де Жанеиро.

Клубот од Рио ги шокираше сите навивачи со запрепастувачка објава на својата официјална веб-страница, а во соопштението се тврди дека Холанд потпишал договор со клубот.

„По интензивни преговори и големи напори на нашата управа, потпишан е договор со Холанд, а неговото доаѓање ќе биде клучна рамка за пресвртот на нашата сезона“, се наведува во соопштението на веб-страницата на Флуминенсе.

Угледниот бразилски весник Ge Globo открива дека Холанд веднаш ги контактирал челниците на клубот за да провери зошто е објавен овој напис, по што било потврдено дека Флуминенсе бил мета на хакери кои упаднале на веб-страницата.

Објавата предизвика бес кај навивачите на Флуминенсе, при што еден корисник на Х ја презеде одговорноста за хакирањето и шегата.

Зборувајќи за „засилувањето“ на Флуминенсе кое доаѓа од срцето на Европа, едно познато име сепак не е шега. Во наредните денови за клубот ќе потпише славниот бразилски стопер Тиагу Силва, кој остави голема трага во Челси, Милан и ПСЖ.