Манчестер Сити има само 4 победи во последните 17 натпревари во сите натпреварувања. Шампионскиот тим на Пеп Гуардиола изгледа непрепознатливо оваа сезона и во моментов изгледа дека не може да се вклучи во трката за титулата во Премиер лигата.
Фил Фоден е сигурен дека клубот нема да ја освои петта последователна шампионска титула во Англија. Тој тврди дека тоа е „завршена работа“, откако неговиот тим, со натпревар помалку, заостанува 12 бодови зад лидерот Ливерпул.
„Титулата оваа година? Мораме да гледаме реално на работите. Тоа ни е јасно. Не сме глупави. Целиме на едно од првите четири места и што е можно подобар резултат во Лигата на шампионите. Мораме да бидеме реални. Нашите настапи не се на посакуваното ниво“.
Фоден има постигнато 4 гола во Премиер лигата на 16 одиграни натпревари оваа сезона. Во Лигата на шампионите на 5 натпревари даде 3 гола.
