Македонскиот бенд „Фолтин“ соопшти дека утре, 1 јули, ќе се одржи промоција на новото ЕП „Симултан бакнеж“.
Промоцијата на ЕП „Симултан бакнеж“, кое се состои од четири песни снимени во Студио АЛШАР - Скопје, во декември 2020, ќе се одржи во 12 часот во МКЦ Скопје.
Фотографијата и дизајнот на омотот се креација на Ѓорче Ставрески.
Издавач на албумот е ОХО Продукција, продуцент е Пеце Талески, а извршен продуцент е Илија Тирицовски.
Изданието ќе го промовираат со спот за една од песните „Кој може да расипе еден ваков ден “, во режија на Милена Витман. Директор на фотографија е Мишел Ривас, а актери се Рио Раш и Ниша Вирмани. Видеозаписот е снимен во Берлин. Продуцент на видеозаписот е Пеце Талески, а како извршни продуценти се јавуваат Милена Витман и Илија Тирицовски, напиша на Facebook фронтменот на „Фолтин“, Бранислав Николов.