Со трансферот на Островот португалската ѕвезда го надмина Меси на листата на Forbes за фудбалери кои најмногу заработуваат каде на првите четири места се дури тројца играчи на ПСЖ.
Роналдо ќе заработи 125 милиони долари (пред оданочување) за тековнава 2021/22 сезона од кои 70 милиони му се од платата со бонуси од Манчестер Јунајтед.
Меси е веднаш зад него 110 милиони долари, а неговите соиграчи од нападот на ПСЖ, Нејмар и Килјан Мбапе ја затвораат најбогата четворка, иако последниов со големо заостанување.
Листата на Forbes за топ 10 фудбалери со најголема заработка за тековнава сезона изгледа вака:
- Кристијано Роналдо (Манчестер Јун.) - 125 милиони долари
- Лионел Меси (ПСЖ) - 110 милиони долари
- Нејмар (ПСЖ) - 95 милиони долари
- Килјан Мбапе (ПСЖ) - 43 милиони долари
- Мохамед Салах (Ливерпул) - 41 милиони долари
- Роберт Левандовски (Баерн) - 35 милиони долари
- Андрес Иниеста (Висел Кобе) - 35 милиони долари
- Пол Погба (Манчестер Јун.) - 34 милиони долари
- Гарет Бејл (Реал Мадрид) - 32 милиони долари
- Еден Азар (Реал Мадрид) - 29 милиони долари
Заработката на десетте најплатени фудбалери оваа сезона гласи вкупно 585 милиони долари (неоданочени), што е повеќе од ланските 570 милиони долари.
Со 55 милиони долари само од реклами, Роналдо е и помеѓу најплатените спортисти на светот, која станува збор за заработка од спонзори.
Во моментов само тројца активни спортисти заработуваат повеќе од него од реклами и тоа Роџер Федерер со 90 милиони долари, Леброн Џејмс со 65 милиони долари и Тајгер Вудс со 60 милиони долари.