Поголемиот дел од дополнителниот простор се користи за удобност на патниците на задните седишта, што е особено важно на кинескиот пазар.
Audi ја претстави новата генерација на Audi A6L за кинескиот пазар. Продолжената лимузина сега е многу блиска по димензии до Audi A8, но доаѓа со значително пониска почетна цена.
Новиот A6L е продолжен за 143 mm во споредба со стандардниот A6 и сега има вкупна должина од 5.142 mm, додека меѓуоскиното растојание е дури 3.066 mm (поголемо е од растојанието помеѓу оските на Audi A8).
Поголемиот дел од дополнителниот простор се користи за удобност на патниците на задните седишта, што е особено важно на кинескиот пазар.
Дизајнот го следи стилот на глобалната верзија на моделот Audi A6, со неколку специфични детали како што се различна решетка на ладилникот, осветлено лого и нови алуминиумски елементи на браникот и праговите на вратите.
21-инчни тркала се достапни и во верзијата S-Line.
Во кабината, акцентот е ставен на удобноста, особено за патниците назад. Патниците ќе уживаат во панорамски покрив од речиси два квадратни метри со амбиентално осветлување, како и аудио систем со 16 звучници од Bang & Olufsen.
На контролната табла има 11,9-инчна дигитална инструмент табла, 14,5-инчен централен екран и дополнителен екран за патникот.
Моделот е опремен и со напредни системи за помош со дури 33 сензори и интелигентна технологија за возење од Huawei.
Во понудата се три мотори. Основниот 2,0-литарски турбо-бензинец со благ хибриден систем развива 204 КС (150 kW), додека помоќната верзија на истиот мотор има 272 КС (200 kW), а може да биде достапна и во комбинација со електричен мотор од 18 kW и quattro погон на сите тркала.
Врвот на понудата е 3,0-литарскиот V6 мотор со 367 КС (270 kW), стандарден електричен мотор (18 kW) и quattro погон.
Цената во Кина започнува од околу 323.000 јуани (околу 47.000 долари), додека најскапата верзија со V6 мотор чини околу 436.000 јуани.
Тоа е значително помалку од A8L, чија цена започнува од околу 789.800 јуани (околу 115.000 долари) на кинескиот пазар.
Моделот, како и претходниот A6L, ќе се произведува во Кина преку заедничкото претпријатие FAW-Audi.
