Фотографија направена во Ријад го открива целиот хорор што го предизвика Саудиска Арабија. Средбата меѓу најстариот син на убиениот новинар Џамал Кашоги со кралот и принцот на Саудиска Арабија кажува илјада зборови.
Салах бин Џамал Кашоги е фотографиран како се ракува со саудискиот крал Салман и неговиот син Мухамед бин Салман, луѓето кои се сметаат за виновни за смртта на неговиот татко. Изразот на лицето на синот на убиениот новинар кажува повеќе од 1.000 зборови. Особено кога ќе се земе во обѕир фактот дека му е забрането да ја напушти земјата.
Џамал Кашоги беше колумнист на Washington Post и го критикуваше режимот во Саудиска Арабија и кралското семејство. Од турските и американските медиуми јавноста дозна дека по убиството еден од саудиските агенти ја облекол облеката на Кашоги и се преправил во него, заминувајќи од задната врата на Конзулатот, во обид да ја увери турската полиција дека Кашоги го напуштил објектот жив. Светот дозна и дека принцот Мухамед му се јавил на новинарот додека бил заробен од саудиските агенти. Кашоги одбил да се врати во Саудиска Арабија, од каде побегнал минатата година во страв дека ќе биде уапсен поради критиките кон режимот. Потоа, агентите брутално го убиле, според снимките од турската влада, тој бил мачен. Неговото тело било распарчено, главата му била откината, а деловите од телото закопани во блиската шума, каде е пронајден и напуштениот автомобил на саудискиот конзулат.
Убиството било планирано, во него учествувале 15 агенти а меѓу нив имало и форензичар кој допатувал со пила за коски. Тој почнал да го сече Кашоги додека бил жив, пишува независен британски портал за вести од Блискиот Исток.
Кашоги врискал, борејќи се за живот додека не му ставиле инјекција со непозната супстанција. Претходно, форензичарот ставил слушалки за да не ги слуша криците на Кашоги. Саудиското прикривање на ова убиство е толку лошо што и американскиот претседател Доналд Трамп го нарече најлош обид за прикривање во историјата. За тоа говори и фактот што Саудиска Арабија во јавноста пласираше вест дека Кашоги во конзулатот „се степал и случајно бил задавен“.
Да биде уште побизарно, принцот се сретна со синот на убиениот новинар и му изрази сочувство пред камери. Изразот на очите на Салах Кашоги најдобро го опишува стравот предизвикан од режимот во Саудиска Арабија.
Средбата предизвика лавина од реакции на интернет: