Андрес Иниеста вчера го одигра последниот натпревар во дресот на Барселона и со победата против Реал Сосиедад со резултат од 1:0 се збогуваше со каталонските навивачи, на кои во последните години им донесе многу радост и среќа.
Барселона синоќа на спектакуларен начин се збогуваше од својата легенда, Андрес Иниеста, човекот кој тешко може да се опише со зборови.
Каталонците со синоќашната победа стигнаа до 25 титула првак, четврта последователна, а неколку часа по натпреварот Иниеста остана сам на теренот на „Ноу Камп“, каде се сеќаваше на моментите поминати во дресот на каталонскиот клуб.
Фотографиите од осамениот Иниеста после натпреварот додека седи на средината на теренот го обиколија светот и засекогаш ќе останат во меморијата на сите навивачи на Барселона, а неповторливиот Шпанец во дресот на овој клуб успеа да освои дури 32 титули.
Осамен на центарот на теренот на кој испиша историја, Иниеста се присети на сите титули, победи и порази кои го направија човек и играч каков што е денеска.
Таму каде што се започна, синоќа и заврши. На фудбалот сигурно ќе му недостига големиот Андрес Иниеста.