Франција е против старт на преговори за Северна Македонија поради реформата на СЈО

Брисел, 10 октомври 2019 (МИА) – Француски дипломатски извори информираат дека една од причините зошто Париз се противи на отворањето преговори со Северна Македонија е недостатокот на напредок во реформата на статусот на Специјалното јавно обвинителство.

– Конкретно сметаме дека Северна Македонија мора да приложи дополнителни напори посебно во делот на Специјалното јавно обвинителство, сметаме дека останува уште многу работа и за Северна Македонија и за Албанија и дека состојбата не е толку розова како што ни се претставува, вели француски дипломатски извор за МИА.

Ова е сега официјална позиција на француските власти и ќе им биде соопштена на министрите за надворешни работи во вторник во Луксембург.

За Албанија се бараат уште многу дополнителни напори во делот на комплетирањето на реформата на судскиот систем, а Франција ќе го нагласи фактот дека системот на ветинг во албанското судство имало “перверзни ефекти“ поради тоа што земјата останала без судии.

Што се однесува до Преспанскиот договор, Франција смета дека тој е од огромна историска важност, но дека тоа “нема никаква поврзаност со процесот на проширување“.

-За нас Преспа нема никаква врска, тоа е историски договор, но не е директно поврзан со процесот на проширување, важен договор е и потребен, но не треба да се очекува дека тој ќе го одблокира процесот на проширување, вели францускиот дипломат за МИА.

Дури и да се реши прашањето за СЈО до идниот вторник кога ќе се одржи состанокот на министрите во Луксембург, Франција ќе одбие преговори со Македонија и Албанија, но ќе одбие и одвојување на двете земји, објаснува дипломатот.

Причината за ова е што Франција сака претходна темелна реформа на методологијата на преговарање за земјите кандидати, за што ќе треба најмалку неколку месеци. Поради тоа Франција предлага да се наврати на прашањето во март 2020 година, но без никаква гаранција дека ќе даде зелено светло и тогаш.

– Мораме да констатираме дека процесот на пристапување во ЕУ е премногу технички и недоволно политички и дека тој не овозможи да видиме трансформација на општествата каква што очекувавме, затоа бараме од Европската Комисија да стави на маса реформа на методологијата на проширувањето за таа методологија да биде повеќе политичка, попостепена но и пореверзибилна, објаснуваат француските дипломати.

Она што Париз сака да го види е процес во кој ќе може во текот на преговорите да се врати назад доколку констатира дека една земја назадува или стои во место во однос на реформите, а истовремено тој нов процес би овозможил да се дојде до бенефити пред полноправното членство, хипотетички преку пристап до структурни фондови на ЕУ многу порано во процесот.

– Овие 35 поглавја, бенчмаркови, отворања, затворања, сметаме дека не овозможуваат амбициозни и суштински реформи, смета Париз.

Запрашан каков е ставот на Франција во однос на Србија и Црна Гора кои веќе преговараат, францускиот дипломат не беше во можност да даде одговор. Според него неизвесно е дали воопшто францускиот претседател би бил подготвен да попушти под притисок на другите земји на ЕУ доколку се побара одвојување од Албанија.

Поддршка за реформа на процесот на преговарање Франција добила од Данска, Холандија и Шпанија, иако и сите овие три земји порачале дека поддржуваат почеток на преговорите со Северна Македонија, но не со Албанија.

реклама

Водич за гласање: Не може да гласа лице што не носи маска или одбива да ја извади за идентификација

Read more

Што се случува кога по втор пат ќе се заразиме со коронавирусот?

Read more

Spotify отсега достапен и во Република Северна Македонија

Read more

Кој е пасивен, а кој не може без секс: Хороскопските знаци во кревет

Read more

Македонија

Без вода дел од корисниците во Маџари

Read more

Најголем одзив до 9 часот има во ИЕ 1, гласањето се одвива непречено

Read more

Почна гласањето, како изгледаат избирачките места?

Read more

Избори 2020: Што смеете и не смеете да правите на гласачкото место?

Read more

Вести

Без вода дел од корисниците во Маџари

Читај повеќе

Комисијата за заразни болести во Грција предлага задолжително носење маска во затворен простор 

Читај повеќе

Рекорден пораст на бројот на новозаразени во Токио

Читај повеќе
  • play_arrow

Трамп: Полицијата убива повеќе белци отколку Афроамериканци

Читај повеќе

Од „корона-фри“ Црна Гора стана земја со најмногу активни случаи на коронавирус во регионот

Читај повеќе

Најголем одзив до 9 часот има во ИЕ 1, гласањето се одвива непречено

Читај повеќе
  • filter

Почна гласањето, како изгледаат избирачките места?

Читај повеќе

Избори 2020: Што смеете и не смеете да правите на гласачкото место?

Читај повеќе

Десетици лица повредени во судир на два воза кај Прага

Читај повеќе