Франција денеска одлучи да го екстрадира во Шпанија лидерот на поранешната баскиска сепаратистичка група ЕТА, Хосе Антонио Урутикоечеа (69), обвинет дека ја финансирал оружената група преку кафулиња во кои се собирале заговорници за независност на Баскија.
Тој е осуден и за издавање наредба за бомбашки напад врз гарнизон на шпанската цивилна гарда во 1978 година во Сарагоса, кога загинале 11 лица, а 88 биле повредени.
Се смета и дека Урутикоечеа во мај 2018 година, по објавата за распуштање на ЕТА, бил еден од нејзините последни лидери, а голем број припадници на организацијата се криеле во францускиот дел на Баскија, а извршувале операции во Шпанија.
Судот во Париз соопшти денеска дека Урутикоечеа, познат и под името Хосу Тернера може во следните три дена да поднесе жалба на одлуката за екстрадиција.