Францускиот пејач Џони Холидеј, кој со месеци боледува од рак на белите дробови, бил префрлен во болница поради проблеми со дишењето, соопшти неговото семејство.
„Наскоро очекуваме да се врати дома, бидејќи неговата здравствена состојба се стабилизираше“, изјави извор близок до семејството на Холидеј за тамошните медиуми.
Магазинот Voici пренесе дека 74 – годишниот Холидеј бил примен во приватна клиника во Париз на 13 ноември, каде инаку прима хемотерапија како процес во лечењето од ракот на белите дробови.
Неговиот агент Себастијен Фаран неодамна изјави дека пејачот е во добра состојба и дека се бори против ракот.
Пејачот и од порано имаше здравствени проблеми.
Холидеј е многу популарен во Франција и го носи епитетот француски Елвис Присли, но никогаш не стекнал слава во странство, како што на пример тоа го направиле Шарл Азнавур, Ив Монтан или Миреј Матије.
Роден е на 15 јуни, 1943 година и е одгледан во светло на културата. Хилидеј, чие вистинско име е Жан – Фипит Лео Смет, во шеесеттите години од минатиот век и донел нов звук на Франција – свинг, рок и твист.
Многу бргу станува многу популарен во Франција како пејач и како јавна личност, кога се венчал со познатата пејачка Силви Вартан.
Потоа, имал уште неколку бракови.
Издадел повеќе од 45 албуми кои се продадени во 100 милиони примероци.