Француските навивачи повикуваат на масовен бојкот на британскиот емитер DAZN

И пред четвртото коло во францускиот фудбалски шампионат, навивачите го продолжуваат бојкотот на единствената станица која има ексклузивно право да пренесува натпревари од Лиг 1.

Станува збор за британската платформа DAZN која ги откупи правата за пренос на натпреварите од елитното француско првенство пред почетокот на сезоната, но навивачите се шокирани од цената што треба да ја платат за да ги следат натпреварите.

Гледањето на еден натпревар од Лиг 1 чини 15 евра, а за месечен пакет натпревари (сите натпревари) треба да се издвојат 40 евра. Во исто време, пет од осумте натпревари кои се нудат секој викенд не се опфатени со коментар, а нема викенд емисии, нема резиме на колото и нема преноси во 4K резолуција.

Поради оваа понуда на британската платформа, од стартот на сезоната се создаде револт кај навивачите, кој секој ден е сѐ посилен, па на сите француски стадиони се викендов се подготвуваат за акции чија цел е што е можно повеќе навивачи да го бојкотираат DAZN.

„Не смееме да му дадеме ниту цент на тој канал кој не го почитува францускиот фудбал или француските навивачи, толку е едноставно“, вели револтиран француски навивач.

„Мислам дека ова е направено без никакво чувство за навивачите, толку е скандалозно да се наплаќа толку многу за производ од Лиг 1 што е полош од минатата година“, вели еден фан на Рен.