Холанѓаните најдоа замена за Роналд Куман кој ги напушти за да ја води Барса, а негова замена е неговиот поранешен соиграч од репрезентацијата, Франк де Бур.
Кралската холандска фудбалска асоцијација (КНВБ) потврди дека се договориле поранешната легенда на холандскиот фудбал да седне на селекторското столче. Де Бур потпиша двегодишен договор, односно заклучно со Мундијалот во Катар каде треба да ја води Холандија, но прво и да ја квалификува.
„Портокаловите“ бележеа одлични резултати под водство на Куман, но понудата од Барселона не му се испушташе, па ги остави на цедило. Тој ја водеше репрезентација од февруари 2018 и имаше договор заклучно со Мундијалот во Катар. Во меѓувреме, ја квалификува Холандија на ЕУРО 2020, а го освои и 2. место во првата сезона од Лигата на нации каде загуби во финалето од Португалија.
Де Бур успешно ја почна тренерската кариера во Ајакс со кој од 2010 до 2016 освои 4 титули шампион на Ередивизи, но потоа имаше лоши и краткотрајни авантури во Интер и Кристал Палас. Од 2018 ја предводеше Атланта Јунајтед во МЛС со која се раздели во јули.
Куман (57) и Де Бур (50) се 7 години разлика, но кариерите им се поклопија токму во репрезентацијата на Холандија каде заедно играа од 1990 до 1994 година и беа дел од Мундијалите во 1990 и 1994, како и ЕУРО 1992. И двајцата настапуваа за Ајакс и Барселона, но но различни периоди.