Американците во карантин најмногу уживаат да ја гледаат легендарната ТВ серија „Friends“, вели едно истражување.
Истражувањето спроведено од страна на Cable TV покажа која серија е најпопуларна помеѓу жителите на САД во време на пандемијата со коронавирусот кога населението е во карантин.
Во 12 од 50-те сојузни држави најгледана карантинска серија е „Friends“. За ситкомот на NBC се изјасниле жителите на 7 од десетте најнаселени сојузни држани. Така, „Friends“ доминира во Калифорнија, Тексас, Флорида, Њујорк, Северна Каролина, Џорџија и Охајо (дели прво место со „NCIS“). На врвот е и во Луизијана, Вирџинија, Њу Хемпшир и Масачусец, а го дели првото место во Минесота заедно со „This Is Us“.
Моментално кај нас оваа серија се емитува на МРТ1 и е стигната до сезоната 3. Вечерва ќе се емитува од 21:20 часот.
На второ место по гледаност е „Rick and Morty” која е најгледана во Алјаска, Аризона, Колорадо и Невада, а го дели врвот со „Breaking Bad“ во Ново Мексико.