Руската разузнавачка служба ФСБ денеска соопшти дека на Крим го уапсила украинскиот агент Генадиј Лимешко додека се обидувал да изврши саботажа на далновод.
Москва во 2014 година изврши анексија на Крим, а според тврдењата на ФСБ, Лимешко овој месец пристигнал на Крим со намера да оштети далноводи на јужното крајбрежје на полуостровот, а со тоа да предизвика пожари и да блокира патишта.
Лимешко е уапсен во саботата додека се обидувал да предизвика прекин на снабдувањето со струја, соопшти ФСБ.