Судија од ниските лиги на Мексико го загубил животот за време на натпревар откако бил нападнат од играч.
Немилиот настан се случил во градот Гвадалупе во сојузната држава Нуево Леон. Според локалната полиција, играчот запишан во полицискиот записник како Џонатан Г. физички го нападнал 62-годишниот судијата кој потоа паднал на грб удирајќи си ја главата. Бил во несвест скоро петнаесетина минути.
„Жртвата бил цел на жалба за судењето од страна на уапсениот кој потоа го турнал, по што од падот загил свест околу 15 минути. Сведоци за виновник го посочија еден од играчите, кој беше уапсен и префрлен во Центарот за обвинителство на Гвадалупе каде ја чека соодветната процедура“, стои во полицискиот извештај.
Судијата Хуан Фернандес бил префрлен во болница каде починал. 23-годишниот фудбалерот се соочува и со додатно обвинение дека не направил ништо да му помогне на судијата кој лежел беспомошно на тревата.