Македонска репрезентација ја оствари потребната победа над Луксембург и како втора во групата се пласираше во втората фаза од квалификациите за пласман на У19 ЕУРО 202О.
Младите Македонци мораа да го совладаат Луксембург и да се надеваат дека Англичаните ќе ја победат Босна и Херцеговина со неколку голови разлика.
Отпорот на гостите од Луксембург беше скршен дури во претпоследната минута пред паузата кога Давид Тошевски постигна гол. Само моменти подоцна, во судиското надополнување на 2:0 зголеми Арби Воша.
Гостите пропуштија колосална шанса да го постигна својот прв гол во овие квалификации. Во 65-тата минута Хелд ја затресе стативата, а по одбиената топка Хансен успеа да промаши празен гол.
Во 79-тата минута Бојан Димовски од далечина упати силен удар кој заврши во пречката, а само минута подоцна Абдулвахит Мурати со глава постигна трет гол.
Победата од 3:0 беше доволна за Македонија да се пласира во таканаречената Елитна фаза од квалификациите бидејќи услуга ни направи Англија која со 4:1 ја победи Босна и Херцеговина. Македонија оди понатаму поради подобра гол-разлика од Босанците, односно поради повеќе постигнати голови (3 наспроти 2).
Претходно нашите надежи во првото коло одиграа без голови против Босна и Херцеговина, а во саботата во второто коло беа преслушани од Англија губејќи со 5:0.
Конечна табела:
Англија и Македонија одат во Елитната фаза од квалификациите, додека Босна и Херцеговина ќе се надева дека како најдобра третопласирана репрезентација ќе им се придружи. Елитната фаза ќе се игра во март исто така во групи од по 4 репрезентации.