Македонската репрезентација за играчи до 21 година доби тешка и квалитетна група во квалификациите за ЕУРО 2027.
Европскиот великан Италија и секогаш силните Полска и Шведска се најдоа во групата Е каде на денешната жрепка во УЕФА беше извлечена Македонија, заедно со уште и Црна Гора и Ерменија. На жрепката во Нион присуствуваа Ѓорѓи Христов, Агим Ибраими и Илија Најдоски.
На завршницата пласман ќе обезбедат победниците на деветте групи, како и најдобрата второпласирана репрезентација. Останатите осум второпласирани ќе играат бараж за да се добијат преостанатите четири учесници.
Европското првенство во јуни 2027 година ќе се одржи во соседните Албанија и Србија, кои пред некој ден од УЕФА беа официјално потврдени за домаќини. Двете репрезентации кодомаќини имаат директен пласман.
Квалификациските натпревари почнуваа веќе во март, а кола ќе има и во јуни, септември, октомври и ноември годинава, па ќе продолжат во 2026 во март, септември и октомври. Баражите ќе се играат во ноември 2026. Распоредот наскоро ќе биде познат.
Македонија беше во група во Шведска на минатите квалификации. Прво сензационално победивме на гости со 1:0, а потоа загубивме дома со 2:0. Со Ерменија, пак, бевме во група во квалификациите за ЕУРО 2023 и двапати славевме (2:1 и 3:1).
Ова ќе биде друга генерација фудбалери предводени од нов селектор. По претседателската смена во ФФМ веднаш беше разрешен Драги Канатларовски поради катастрофалните резултати, а на негово место ангажиран е Горан Станиќ, кој со Работнички сезонава брилира во домашната лига.
