Фудбалерите на Ливерпул го изненадија фудбалскиот свет на синоќешниот подготвителен натпревар против Арсенал.
„Црвените“ и „Топчиите“ се сретнаа во Филаделфија, а на крајот Ливерпул победи со 2:1 благодарение на головите на Мохамед Салах и Фабио Карваљо, додека Каи Хаверц погоди за Арсенал.
Овој натпревар беше интересен и по тактиката што ја подготвуваа фудбалерите на Ливерпул при изведување на удар од корнер.
Костас Цимикас изведе корнер од десната страна, а играчите на Ливерпул беа групирани на горниот дел од шеснаесетникот пред да се разбијат на различни позиции откако грчкиот дефанзивец го изведе корнерот.
Топката дојде до Кертис Џонс, кој на крајот не упати удар кон голот на Арсенал, по што беше досуден прекршок над голманот на „Топчиите“.
Фановите на социјалните мрежи се воодушевени од новата тактика и со нетрпение чекаат таа да се примени и на натпреварите од Премиершип.
