Македонската фудбалска репрезентација попладнево слета на варшавскиот аеродром по повод неделната пресметка со Полска.
Нашите фудбалери беа пречекани од полски навивачи кои им бараа автограми и сакаа да се сликаат со нив.
Македонија за првпат ќе игра фудбал на полско тло иако ова ќе биде петти натпревар помеѓу двете репрезентации. Првите три натпревари ги игравме како пријателски и тоа на неутрален терен во Хрватска, Германија и Турција, а последната беше во јуни во Скопје.
За некои од играчите ова е второ гостување во Полска бидејќи беа дел од У21 репрезентацијата која во 2017 година учествуваше на Европското првенство во Полска.
Фото: ФФМ