Алексија Путељас е најдобро оценетата спортистка на новата „FIFA 23“ игрица.
И додека од сите страни критичарите се расфрлаат со ужасни оценки за новата игрица од серијалот „FIFA“ на Electronic Arts, стигна и една интересна вест, дека од сите ѕвезди на игрицата најдобра оценка всушност има жена.
Алексија Путељас доби дури 92 бода, наспроти сите машки фудбалери од кои ниту еден не ја надмина границата од 91 бод, а првите четворица играчи имаат всушност толку - Килјан Мбапе, Карим Бензема, Кевин Де Брујне, Лео Меси и Роберт Левандовски.
Укажаната чест на Алексија доаѓа по големиот успех кој фудбалерката го имаше претходната сезона, но и претходно, играјќи за Барселона и за репрезентацијата на Шпанија, а поради тоа беше и официјално прогласена од УЕФА за најдобра фудбалерка за сезоната 2021/2022 на свеченоста одржана во август во Истанбул, Турција.
Путељас ја предводеше Барса до третата последователна титула во женската Ла Лига и тоа со 18 голови и 15 аситенции. Воедно, каталонскиот клуб минатата сезона играше и во финалето од женската Лига на шампиони во кое загуби од француски Лион. Нажалост, кратко по овој натпревар Путељас заработи незгодна повреда на лигаментите која целосно ја исфрли од зелениот терен.
Оценката на Алексија не е конечна, а како што сметаат експертите за гејмплејот на „FIFA“, би можела да порасне и до 95 од можни 100 бодови. Зад Каталонката се наоѓаат уште неколку одлични фудбалерки кои имаат само бод или два помалку од неа на „FIFA 23“ картичките.
