Македонската женска фудбалска репрезентација ќе игра против Словенија, Латвија и Молдавија во квалификиациите за пласман на ЕУРО 2025 во Швајцарија, што истовремено ќе биде и Лига на нации 2024/2025.
Квалификацискиот формат што го претстави УЕФА е поврзан со Лигата на нации со три лиги (А, Б и Ц), а Македонија според рејтингот се најде во најслабата Лига Ц.
Патот до завршницата во Швајцарија ќе биде Сизифова мака за секој од Лигата Ц со оглед на тоа што првопласираните две репрезентации од групите во Ц ќе играат баражи против трето и четвртопласираните од А.
Натпреварите почнуваат во април, а ќе се игра и во мај, јуни и јули, кога и ќе заврши. Баражите ќе се играат во октомври, ноември и декември.
