Еден од најдобрите фудбалери на денешницата Кристијано Роналдо објави интересно видео на кое во домашен амбиент шутира топка со помладиот син Матео.
Постариот син на португалскиот ас, Кристијано Јуниор, веќе се занимава во фудбал и италијанските стручњаци сметаат дека му претстои голема кариера. Напаѓачот на Јувентус на социјалните мрежи сподели видеоклип на кој и неговиот помлад син, Матео, успешно шутира топка.
Иако уште нема полни две години, малиот Матео веќе покажува љубов кон фудбалската топка и нема сомнеж дека ентузијазмот кај Португалецот е огромен за да направи и од него голем фудбалер.
Она што особено привлече внимание во играта татко-син и покажа дека фудбалскиот ген е силен во семејството на Роналдо е тоа што Матео го има истиот став како татко му кога ја дочекува топката.
Кристијано Јуниор е роден на 17 јуни, 2010 година. Роналдо ги доби близнаците Матео и Ева со сурогат мајка на 8 јуни, 2017 година во САД, а од врската со моделот Георгина Родригез ја има ќерката Алана Мартина која се роди истата година на 12 ноември.
